அனைவரும் ஒரு மாஸ்டர்மைண்ட் குழுவாக இணையப் போகிறோம். 90 நாள் நடைமுறைகளை செயல்படுத்த உலகில் எங்கிருந்தாலும் தொழில்நுட்ப வழி ஒன்றிணையவிருக்கிறோம். இதற்கென்று ஒரு வாட்சாப் குழு உருவாக்கப்பட்டுள்ளது. உடன் நமது அகம்,அற்புதம் மெம்பெர்ஷிப் தளத்தில் பிரத்யேக பகுதி உருவாக்கப்பட்டுள்ளது.

தினசரி பங்கேற்பாளர்களை காலை 5 மணிக்கு எழுப்புவதில் இருந்து, உடல் பயிற்சி, தியானம், மனப்பயிற்சி என்று தொடங்கி, ஆழ்மனக்காட்சிப் படைப்பு, அன்றைய நடவடிக்கைகளை சரி செய்வது வரை ஒன்றாக பங்கேற்பாளர்கள் அனைவரும் பயணிக்கப் போகிறோம். இது வெறும் செயல் குறிப்புகளாக மட்டுமே இருக்கப் போவதில்லை. ஒரு முழுமையான கோச்சிங் போன்றே இது அமைக்கப்படுகிறது.

முதல் நாளில் இருந்தே இந்த 90 நாட்களில் அடைய விரும்பும் இலக்கு, வாழ்வின் ஒரு பெரிய முக்கிய இலக்கு போன்றவை நிர்ணயிக்கப்பட்டு அவற்றை அடைய ஒருவருக்கு ஒருவர் உதவும் வண்ணம் செயல்படப் போகிறோம். இதில் ஒவ்வொருவரின் பங்கும் இருக்கும்.

தினசரி வாழ்வில் இருக்கும் நடைமுறை சிக்கல்கள், எதிர்மறைகள்(Negativity) போன்றவற்றை கடக்க வழிகள் காணவிருக்கிறோம்.

வாழ்வின் மிக முக்கியமான சிக்கலாக இனி வரும் கொஞ்ச காலத்திற்காவது பொருளாதார சிக்கல்கள் இருக்கப் போகின்றது. அதனை சமாளிக்க பிரபஞ்ச கோட்பாடுகளின் துணையை நாம் நாடவிருக்கிறோம்.

இப்போது இருக்கும் விஷயங்களை வைத்துக் கொண்டு மனச்சோர்வடையாமல் இந்த அசாதாரண சூழ்நிலையை எதிர்கொண்டு வாழ்வின் அடுத்த கட்டத்திற்கு முன்னேற முயற்சி செய்யப் போகிறோம்.

நானும் அதில் ஜீரோவில் இருந்து தொடங்க போகிறேன். என்னிடத்தில் 2012ல் எதுவும் இல்லா நிலையில் நான் எப்படி இருந்தேனோ அப்படித் தொடங்கப் போகிறேன். இறைபேராற்றல் நம்முடன் எப்படி செயல்படுகிறது என்பதை எல்லோர் மனதில் நிறுவவே இந்த முயற்சி. பங்கேற்பாளர்களான நீங்களும் அதே போல அவரவர் நிலையில் இருந்து மீண்டும் தொடங்கலாம்.

தனிமனித மாற்றத்தின் சக்தியும், அது சமூகத்தில் ஏற்படுத்தும் மாற்றங்கள் குறித்தும் வலியுறுத்தப்போகிறோம். பலரும் பேசிவரும் (அரசாங்கம் உள்பட) சுயசார்பு வாழ்க்கை முறையைக் குறித்தும் சமூகநோக்கு தொழில்முனைவு (visionary social entrepreneurship) குறித்தும் கலந்துரையாடி அவற்றை சரியான ரீதியில் செயல்படுத்தப் போகிறோம். இன்று இல்லாதோர் பலருக்கும் எவ்வித நோக்கமுமின்றி உதவியது இத்தகைய மனங்களே.

திட்டங்கள், செயல் வடிவமைப்புகள், செயலாக்கங்கள் அனைத்தும் ஒவ்வொரு பங்கேற்பாளராலும் தனித்தனியே அமைக்கப்படும். அதனை யதார்த்தத்தில் செயலாற்ற அனைவருக்கும் அனைவராலும் ஊக்குவிப்பும் உற்சாகமும் அளிக்கப்படும். எங்காவது தவறு ஏற்படும் வேளையில் அதனை கண்டறிந்து அதனை சரிசெய்ய (தனிப்பட்ட மற்றும் கூட்டு) ஆலோசனைகளும் வழங்கப்படும்.

தேவைப்படும் இடத்தில் நிபுணர்களின் ஆலோசனையும் கேட்டுப் பெறுவதற்கு முயற்சி செய்வோம்.